ಕೇಂದ್ರ ಬಜೆಟ್ 2026-27: ಸಾಮಾನ್ಯ ಜನರಿಗೆ ಮತ್ತು ಕರ್ನಾಟಕಕ್ಕೆ ಸಿಕ್ಕಿದ್ದೇನು? ಸಮಗ್ರ ವಿಶ್ಲೇಷಣೆ

ಕೇಂದ್ರ ಬಜೆಟ್ 2026-27: ಯಾರಿಗೆ ಲಾಭ? ಯಾರಿಗೆ ನಷ್ಟ?

ಕೇಂದ್ರ ಬಜೆಟ್ 2026-27 ಭಾರತದ ಆರ್ಥಿಕತೆಯ ದಾರಿದೀಪವಾಗಿದೆ. ಫೆಬ್ರವರಿ 1, 2026 ರಂದು ಮಂಡನೆಯಾದ ಈ ಬಜೆಟ್ ಕೇವಲ ಅಂಕಿಅಂಶಗಳ ಸಂಕಲನವಲ್ಲ, ಬದಲಿಗೆ 140 ಕೋಟಿ ಭಾರತೀಯರ ಆಶೋತ್ತರಗಳ ಪ್ರತಿಬಿಂಬವಾಗಿದೆ. ವಿತ್ತ ಸಚಿವೆ ನಿರ್ಮಲಾ ಸೀತಾರಾಮನ್ ಅವರು ಮಂಡಿಸಿದ ಈ ಬಾರಿಯ ಆಯವ್ಯಯವು ‘ವಿಕಸಿತ ಭಾರತ’ದ ಗುರಿಯನ್ನು ತಲುಪಲು ಬೇಕಾದ ಗಟ್ಟಿಯಾದ ಬುನಾದಿಯನ್ನು ಹಾಕಿದೆ.

1. ಪೀಠಿಕೆ: ಬಜೆಟ್ 2026 ರ ದೂರದೃಷ್ಟಿ

ಫೆಬ್ರವರಿ 1, 2026 ಒಂದು ಕಡೆ ಮಾಗ ಪೂರ್ಣಿಮೆಯ ವಿಶೇಷ ದಿನ, ಇನ್ನೊಂದು ಕಡೆ ದೇಶದ ಆರ್ಥಿಕತೆಯ ಹಣೆಬರಹವನ್ನ ನಿರ್ಧರಿಸುವ ಬಜೆಟ್ ದಿನ. ನಿರ್ಮಲಾ ಸೀತಾರಾಮನ್ ಅವರು ನಿರಂತರವಾಗಿ ಒಂಬತ್ತನೇ ಬಾರಿ ಬಜೆಟ್ ಮಂಡಿಸಿದ್ದಾರೆ. ಕಳೆದ 12 ವರ್ಷಗಳಲ್ಲಿ ಮೋದಿ ಸರ್ಕಾರ ನಡೆದು ಬಂದ ದಾರಿ ಮತ್ತು ಮುಂದಿನ ಐದು ವರ್ಷಗಳ ಕಾಲ ಅವರ ವಿಷನ್ ಏನು ಅನ್ನೋದನ್ನ ಈ ಬಜೆಟ್ನಲ್ಲಿ ಕ್ಲಿಯರ್ ಆಗಿ ಹೇಳಲಾಗಿದೆ. ಈ ಬಾರಿಯ ಬಜೆಟ್‌ನ ಒಂದೇ ಲೈನ್ನಲ್ಲಿ ಹೇಳಬೇಕು ಅಂದರೆ ಸರ್ಕಾರ ಹೇಳಿರೋ ಮಾತು ‘ರಿಫಾರ್ಮ್ ಓವರ್ ರೆಟರಿಕ್, ಪೀಪ್ಪಲ್ ಓವರ್ ಪಾಪುಲಿಸಂ’ (Reform over Rhetoric, People over Populism). ಕಠಿಣ ಸುಧಾರಣೆ ತರಬೇಕು ಬಜೆಟ್ ಅಂದರೆ ಸರ್ಕಾರದ ಲೆಕ್ಕಪತ್ರ ಆ ರೀತಿ ಟ್ರೀಟ್ ಮಾಡ್ತೀವಿ ಅಂತ ಹೇಳಿದ್ದಾರೆ.

2. ಆದಾಯ ತೆರಿಗೆ ಸುಧಾರಣೆಗಳು ಮತ್ತು ಹೊಸ ನಿಯಮಗಳು

ಮಧ್ಯಮ ವರ್ಗದ ಜನರಿಗೆ ಕೇಂದ್ರ ಬಜೆಟ್ 2026-27 ರಲ್ಲಿ ಒಂದು ದೊಡ್ಡ ಸುದ್ದಿ ಸಿಕ್ಕಿದೆ. ನಿರ್ಮಲಾ ಸೀತಾರಾಮನ್ ಅವರು ಹೊಸ ಆದಾಯ ತೆರಿಗೆ ಕಾಯ್ದೆ ‘ನ್ಯೂ ಇನ್ಕಮ್ ಟ್ಯಾಕ್ಸ್ ಆಕ್ಟ್ 2025’ ಜಾರಿಗೆ ತರ್ತಾ ಇದ್ದಾರೆ. ಇದು ಮುಂದಿನ ಏಪ್ರಿಲ್ 1, 2026 ರಿಂದ ಜಾರಿಯಾಗುತ್ತೆ. ಇದರ ಉದ್ದೇಶ ಇಷ್ಟೇ, ಟ್ಯಾಕ್ಸ್ ರೂಲ್ಸ್ ಅಂದರೆ ಹೆಡ್ಡೇಕ್ ಆಗಬಾರದು, ಸಿಂಪಲ್ ಆಗಿರಬೇಕು ಅನ್ನೋದು. ವಿದೇಶಕ್ಕೆ ಹೋಗುವವರಿಗೆ ಮತ್ತು ಓದೋವರಿಗೆ ಒಂದು ಸಿಹಿ ಸುದ್ದಿ ಇದೆ. ನೀವು ಫಾರಿನ್ ಟ್ರಿಪ್ ಪ್ಯಾಕೇಜ್ ಬುಕ್ ಮಾಡಿದ್ರೆ ಅಥವಾ ನಿಮ್ಮ ಮಕ್ಕಳು ಫಾರಿನ್‌ನಲ್ಲಿ ಓದ್ತಾ ಇದ್ರೆ, ಇದುವರೆಗೂ ಸರ್ಕಾರ 5% ನಿಂದ 20% ತನಕ ಟಿಸಿಎಸ್ (TCS) ಕಟ್ ಮಾಡ್ತಾ ಇತ್ತು. ಆದರೆ ಈಗ ಅದನ್ನು ಬರಿ 2% ಗೆ ಇಳಿಸಲಾಗಿದೆ.

ಮತ್ತೊಂದು ಮುಖ್ಯ ಬದಲಾವಣೆ ಐಟಿಆರ್ ಫೈಲಿಂಗ್‌ನಲ್ಲಿ ಆಗಿದೆ. ನಾವೇನಾದರೂ ಐಟಿ ರಿಟರ್ನ್ಸ್ ಫೈಲ್ ಮಾಡುವಾಗ ತಪ್ಪು ಮಾಡಿದ್ರೆ ಅದನ್ನು ಸರಿ ಮಾಡೋಕೆ ರಿವೈಸ್ಡ್ ರಿಟರ್ನ್ ಡಿಸೆಂಬರ್ 31 ಲಾಸ್ಟ್ ಡೇಟ್ ಇರ್ತಾ ಇತ್ತು. ಆದ್ರೆ ಇನ್ನ ಮುಂದೆ ಅದನ್ನು ಮಾರ್ಚ್ 31ರ ತನಕ ಎಕ್ಸ್ಟೆಂಡ್ ಮಾಡಿದ್ದಾರೆ. ಹಾಗೆಯೇ ಮೋಟಾರ್ ಆಕ್ಸಿಡೆಂಟ್ ಆದಾಗ ಕೋರ್ಟ್‌ನಿಂದ ಬರೋ ಪರಿಹಾರಕ್ಕೆ ಇನ್ಮುಂದೆ ಯಾವುದೇ ಟ್ಯಾಕ್ಸ್ ಇರಲ್ಲ, ಇದು ಸಂತ್ರಸ್ತರಿಗೆ ದೊಡ್ಡ ರಿಲೀಫ್ ಆಗಲಿದೆ.

3. ಮಹಿಳಾ ಸಬಲೀಕರಣ ಮತ್ತು ಯುವಶಕ್ತಿಗೆ ಆದ್ಯತೆ

ಮಹಿಳೆಯರಿಗೆ ಈ ಸಲ ಸ್ಪೆಷಲ್ ಗಿಫ್ಟ್ ಸಿಕ್ಕಿದೆ. ಹಳ್ಳಿ ಮಹಿಳೆಯರು ಬರಿ ಸಾಲ ತಗೊಂಡು ಕೆಲಸ ಮಾಡೋದಲ್ಲ, ಅವರೇ ಸ್ವಂತ ಬಿಸಿನೆಸ್ ಓನರ್ಸ್ ಆಗಬೇಕು ಅಂತ ‘ಶಿ ಮಾರ್ಟ್ಸ್’ (She Marts) ಶುರು ಮಾಡಲಾಗುತ್ತಿದೆ. ಮಹಿಳಾ ಸಂಘಗಳು ನಡೆಸುವ ಸೂಪರ್ ಮಾರ್ಕೆಟ್ ಅಥವಾ ರಿಟೇಲ್ ಶಾಪ್‌ಗಳಿವು. ಇದರ ಜೊತೆಗೆ ಓದುವ ಹೆಣ್ಣು ಮಕ್ಕಳ ಸೇಫ್ಟಿಗಾಗಿ ದೇಶದ ಪ್ರತಿಯೊಂದು ಜಿಲ್ಲೆಯಲ್ಲೂ ವರ್ಕಿಂಗ್ ವುಮೆನ್ ಮತ್ತು ವಿದ್ಯಾರ್ಥಿನಿಯರಿಗಾಗಿ ಹೊಸ ಹಾಸ್ಟೆಲ್ ಕಟ್ಟಿಸೋಕೆ ಸರ್ಕಾರ ದುಡ್ಡು ಕೊಡ್ತಾ ಇದೆ.

ಯುವಕರಿಗೆ ಕೆಲಸ ಎಲ್ಲಿ? ಸರ್ಕಾರ ಈಸಲ ಸಾಫ್ಟ್ವೇರ್ ಇಂಜಿನಿಯರಿಂಗ್‌ಗಿಂತ ಹೆಚ್ಚಾಗಿ ಕ್ರಿಯೇಟಿವ್ ಜಾಬ್ಸ್ ಮೇಲೆ ಕಣ್ಣಿಟ್ಟಿದೆ. ಮುಂದಿನ ದಿನಗಳಲ್ಲಿ ಶಾಲೆ ಮತ್ತು ಕಾಲೇಜುಗಳಲ್ಲಿ ಎವಿಜಿಸಿ (AVGC) ಲ್ಯಾಬ್ಸ್ ಬರ್ತಾ ಇದೆ. ಅಂದರೆ ಅನಿಮೇಷನ್, ಗೇಮಿಂಗ್, ಕಾಮಿಕ್ಸ್ ಡಿಸೈನ್ ಮಾಡೋದನ್ನ ಸ್ಕೂಲ್ ಲೆವೆಲ್‌ನಲ್ಲೇ ಹೇಳಿಕೊಡ್ತಾರೆ. ಯಾಕಂದ್ರೆ ಈ ಫೀಲ್ಡ್‌ನಲ್ಲಿ ಲಕ್ಷಾಂತರ ಉದ್ಯೋಗಗಳು ಕಾದು ಕೂತಿವೆ. ಹಾಗೆಯೇ ಹಾಸ್ಪಿಟಲ್ ಮತ್ತು ಕೇರ್ ಟೇಕರ್ ಕೆಲಸಕ್ಕಾಗಿ 1.5 ಲಕ್ಷ ಜನರಿಗೆ ಟ್ರೈನಿಂಗ್ ಕೊಡೋಕೆ ಪ್ಲಾನ್ ರೆಡಿಯಾಗಿದೆ.

4. ಕರ್ನಾಟಕಕ್ಕೆ ಬಜೆಟ್ ನೀಡಿದ ಭರ್ಜರಿ ಕೊಡುಗೆಗಳು

ಕೇಂದ್ರ ಬಜೆಟ್ 2026-27 ಕರ್ನಾಟಕದ ಪಾಲಿಗೆ ಕೇವಲ ಅಂಕಿಅಂಶಗಳಲ್ಲ, ಅದು ರಾಜ್ಯದ ಸರ್ವಾಂಗೀಣ ಅಭಿವೃದ್ಧಿಯ ಮುನ್ನುಡಿ. ನಮ್ಮ ಹೆಮ್ಮೆಯ ಬೆಂಗಳೂರು ನಗರವು ದೇಶದ ಪ್ರಮುಖ ಆರ್ಥಿಕ ಎಂಜಿನ್ ಆಗಿರುವುದರಿಂದ, ನಗರದ ಮೂಲಸೌಕರ್ಯಕ್ಕೆ ಈ ಬಜೆಟ್‌ನಲ್ಲಿ ವಿಶೇಷ ಒತ್ತು ನೀಡಲಾಗಿದೆ. ಕರ್ನಾಟಕದ ಕರಾವಳಿ ಮತ್ತು ಮಲೆನಾಡು ಭಾಗದ ರೈತರಿಗೆ ಖುಷಿ ಕೊಡುವ ವಿಚಾರಗಳಿವೆ. ಭಾರತವೇ ಪ್ರಪಂಚದ ಅತಿ ದೊಡ್ಡ ತೆಂಗು ಬೆಳೆಯುವ ರಾಷ್ಟ್ರ. ಹೀಗಾಗಿ ಹಳೆಯ ಮರಗಳನ್ನು ತೆಗೆದು ಹೊಸ ತಳಿಯ ಗಿಡಗಳನ್ನು ಹಾಕೋಕೆ ಉತ್ಪಾದನೆ ಜಾಸ್ತಿ ಮಾಡೋಕೆ ‘ಕೋಕೊನಟ್ ಪ್ರಮೋಷನ್ ಸ್ಕೀಮ್’ ತಂದಿದ್ದಾರೆ.

ನಮ್ಮ ಮಲೆನಾಡಿನ ಭಾಗದಲ್ಲಿ ಹೆಚ್ಚಾಗಿ ಬೆಳೆಯುವ ಗೋಡಂಬಿ (Cashew), ಕೋಕೋ ಮತ್ತು ನಮ್ಮ ಹೆಮ್ಮೆಯ ಶ್ರೀಗಂಧ (Sandalwood) ಬೆಳೆಯುವವರಿಗೂ ಕೂಡ ಸರ್ಕಾರ ಸ್ಪೆಷಲ್ ಪ್ಯಾಕೇಜ್ ಅನೌನ್ಸ್ ಮಾಡಿದೆ. ಕರ್ನಾಟಕದ ಉತ್ಪನ್ನಗಳು ಪ್ರಪಂಚಕ್ಕೆ ಎಕ್ಸ್‌ಪೋರ್ಟ್ ಆಗಬೇಕು ಅನ್ನೋದೇ ಸರ್ಕಾರದ ಪ್ಲಾನ್. ಇನ್ನು ಪ್ರವಾಸೋದ್ಯಮದ ವಿಷಯಕ್ಕೆ ಬಂದರೆ, ಕರ್ನಾಟಕದ ಕರಾವಳಿಯಲ್ಲಿ ‘ಟರ್ಟಲ್ ಟ್ರಯಲ್ಸ್’ (Turtle Trails) ಡೆವಲಪ್ ಮಾಡ್ತಾ ಇದ್ದಾರೆ.

5. ರೈಲ್ವೆ ಮೂಲಸೌಕರ್ಯ ಮತ್ತು ಹೈ ಸ್ಪೀಡ್ ಕಾರಿಡಾರ್‌ಗಳು

ಇನ್ಫ್ರಾಸ್ಟ್ರಕ್ಚರ್ ವಿಷಯದಲ್ಲಿ ಸರ್ಕಾರ ಈ ಸಲವೂ ಹಿಂದೆ ಬಿದ್ದಿಲ್ಲ. ಕ್ಯಾಪೆಕ್ಸ್ (CAPEX) ಗೆ ಅಂದರೆ ಬಂಡವಾಳ ವೆಚ್ಚಕ್ಕೆ ಕಳೆದ ವರ್ಷ 11 ಲಕ್ಷ ಕೋಟಿ ಖರ್ಚು ಮಾಡಿದ್ದ ಸರ್ಕಾರ, ಈ ವರ್ಷ ಅದನ್ನು 12.22 ಲಕ್ಷ ಕೋಟಿ ರೂಪಾಯಿಗೆ ಏರಿಕೆ ಮಾಡಿದೆ. ಇದರಲ್ಲಿ ರೈಲ್ವೆಗೆ ಸಿಂಹಪಾಲು ಸಿಕ್ಕಿದೆ. ದೇಶದಲ್ಲಿ ಹೊಸದಾಗಿ ಏಳು ಹೈ ಸ್ಪೀಡ್ ರೈಲ್ ಕಾರಿಡಾರ್‌ಗಳನ್ನ ಡೆವಲಪ್ ಮಾಡ್ತೀವಿ ಅಂತ ನಿರ್ಮಲ ಮೇಡಂ ಘೋಷಿಸಿದ್ದಾರೆ. ಇದರಲ್ಲಿ ಗುಡ್ ನ್ಯೂಸ್ ಅಂದರೆ ಈ ಏಳರ ಲಿಸ್ಟ್‌ನಲ್ಲಿ ನಮ್ಮ ಬೆಂಗಳೂರಿಗೆ ಲಿಂಕ್ ಆಗುವ ಎರಡು ಕಾರಿಡಾರ್‌ಗಳಿವೆ: ಹೈದರಾಬಾದ್-ಬೆಂಗಳೂರು ಮತ್ತು ಚೆನ್ನೈ-ಬೆಂಗಳೂರು.

ಜೊತೆಗೆ ನೀರಿನ ಮೇಲೆ ಹಾರಾಟ ನಡೆಸುವ ಸೀ ಪ್ಲೇನ್ಸ್ ತಯಾರಿಕೆಗೆ ಮತ್ತು ಅದನ್ನ ಆಪರೇಟ್ ಮಾಡೋಕೆ ಸರ್ಕಾರ ಸಬ್ಸಿಡಿ ನೀಡಲಿದೆ. 20 ಹೊಸ ಜಲಮಾರ್ಗಗಳನ್ನು (National Waterways) ಶುರು ಮಾಡಲಾಗುತ್ತಿದೆ. ಇದು ಸಂಪರ್ಕ ಕ್ರಾಂತಿಗೆ ಹೊಸ ವೇಗ ನೀಡಲಿದೆ.

6. ಕೃಷಿ ವಲಯ: ಅನ್ನದಾತನಿಗೆ ತಾಂತ್ರಿಕ ಆಸರೆ

ರೈತರಿಗೆ ಟೆಕ್ನಾಲಜಿ ಟಚ್ ಕೊಡೋಕೆ ‘ಭಾರತ್ ವಿಸ್ತಾರ್’ ಅನ್ನೋ ಎಐ (AI) ಟೂಲ್ ಬರ್ತಾ ಇದೆ. ಇದು ರೈತರಿಗೆ ಯಾವ ಟೈಮ್‌ನಲ್ಲಿ ಏನು ಮಾಡಬೇಕು ಅಂತ ಅವರದ್ದೇ ಭಾಷೆಯಲ್ಲಿ ಫೋನ್‌ನಲ್ಲಿ ಮಾಹಿತಿಯನ್ನ ಕೊಡುತ್ತೆ. ಬಜೆಟ್‌ನಲ್ಲಿ ಕೇವಲ ಭತ್ತ, ಗೋಧಿ ಅಷ್ಟೇ ಅಲ್ಲದೆ, ತೋಟಗಾರಿಕಾ ಬೆಳೆಗಳಿಗೂ ಪ್ರಾಮುಖ್ಯತೆ ನೀಡಲಾಗಿದೆ. ಗುಡ್ಡಗಾಡು ಪ್ರದೇಶದಲ್ಲಿ ವಾಲ್ನಟ್ ಮತ್ತು ಬಾದಾಮಿ ಬೆಳೆಯುವವರಿಗೂ ಸರ್ಕಾರ ಸಹಾಯ ಹಸ್ತ ಚಾಚಿದೆ.

7. ಬೆಲೆ ಏರಿಳಿತ: ಯಾವುದು ಅಗ್ಗ? ಯಾವುದು ದುಬಾರಿ?

ಪ್ರತಿ ಬಜೆಟ್ ನಂತರ ಜನಸಾಮಾನ್ಯರು ಕಾಯೋದು ಯಾವುದರ ಬೆಲೆ ಏರಿದೆ ಮತ್ತು ಯಾವುದರ ಬೆಲೆ ಇಳಿದಿದೆ ಎಂದು ನೋಡಲು. ಕೇಂದ್ರ ಬಜೆಟ್ 2026-27 ರ ಪ್ರಕಾರ:

ಅಗ್ಗವಾಗುವ ವಸ್ತುಗಳು:

• ಕ್ಯಾನ್ಸರ್ ರೋಗಿಗಳ 17 ಬಗೆಯ ಔಷಧಿಗಳ ಮೇಲಿನ ಕಸ್ಟಮ್ಸ್ ಡ್ಯೂಟಿ ಜೀರೋ ಮಾಡಲಾಗಿದೆ.
• ಸಿಎನ್ಜಿ (CNG) ಮತ್ತು ಬಯೋ ಗ್ಯಾಸ್ ಮೇಲಿನ ಎಕ್ಸೈಸ್ ಡ್ಯೂಟಿ ತೆಗೆದುಹಾಕಲಾಗಿದೆ.
• ಸೋಲಾರ್ ಪ್ಯಾನೆಲ್ ಮತ್ತು ಮೊಬೈಲ್ ಬಿಡಿ ಭಾಗಗಳು ಅಗ್ಗವಾಗಲಿವೆ.
• ಚರ್ಮದ ಶೂ ಮತ್ತು ಚಪ್ಪಲಿ ತಯಾರಿಕೆಗೆ ಬೇಕಾದ ಕಚ್ಚಾ ವಸ್ತುಗಳ ಬೆಲೆ ಇಳಿಯಲಿದೆ.

ದುಬಾರಿಯಾಗುವ ವಸ್ತುಗಳು:

• ಸಿಗರೇಟ್ ಮತ್ತು ತಂಬಾಕು ಉತ್ಪನ್ನಗಳ ಮೇಲಿನ ಸುಂಕ 60% ಕ್ಕೆ ಏರಿಕೆಯಾಗಿದೆ.
• ಪರಿಸರಕ್ಕೆ ಹಾನಿ ಮಾಡುವ ಪ್ಲಾಸ್ಟಿಕ್ ಫ್ಲೆಕ್ಸ್ ಬ್ಯಾನರ್‌ಗಳ ಬೆಲೆ ಏರಲಿದೆ.
• ಶೇರ್ ಮಾರ್ಕೆಟ್ ಟ್ರಾನ್ಸಾಕ್ಷನ್ ಟ್ಯಾಕ್ಸ್ (STT) ಹೆಚ್ಚಳವಾಗಿದೆ.

8. ಕೈಗಾರಿಕಾ ಕ್ರಾಂತಿ ಮತ್ತು ಡೇಟಾ ಸೆಂಟರ್ ಹಬ್

ಭಾರತವನ್ನು ಜಾಗತಿಕ ಡೇಟಾ ಸೆಂಟರ್ ಹಬ್ ಮಾಡಲು ಸರ್ಕಾರ ಬ್ರಹ್ಮಾಸ್ತ್ರ ಬಿಟ್ಟಿದೆ. ವಿದೇಶಿ ಕಂಪನಿಗಳು ಭಾರತದ ಡೇಟಾ ಸೆಂಟರ್ ಬಳಸಿ ಕ್ಲೌಡ್ ಸರ್ವಿಸ್ ನೀಡಿದರೆ ಅವರಿಗೆ 2047 ರವರೆಗೆ ಯಾವುದೇ ಟ್ಯಾಕ್ಸ್ ಇರುವುದಿಲ್ಲ. ಇದನ್ನು ‘ಟ್ಯಾಕ್ಸ್ ಹಾಲಿಡೇ’ ಎನ್ನಲಾಗುತ್ತದೆ. ಇದರಿಂದ ದೊಡ್ಡ ದೊಡ್ಡ ಟೆಕ್ ಕಂಪನಿಗಳು ಭಾರತಕ್ಕೆ ಬರಲಿವೆ.

ಹಾಗೆಯೇ ಮೊಬೈಲ್ ಮತ್ತು ಲ್ಯಾಪ್ಟಾಪ್ ಚಿಪ್ ತಯಾರಿಕೆಗೆ ‘ಇಂಡಿಯಾ ಸೆಮಿಕಂಡಕ್ಟರ್ ಮಿಷನ್ 2.0’ ಲಾಂಚ್ ಆಗುತ್ತಿದೆ. ಇವತ್ತಿನ ಜಗತ್ತಿನಲ್ಲಿ ಎಲ್ಲದಕ್ಕೂ ರೇರ್ ಅರ್ಥ್ ಮ್ಯಾಗ್ನೆಟ್ಸ್ ಬೇಕು. ಇದಕ್ಕಾಗಿ ಕೇರಳ, ಆಂಧ್ರಪ್ರದೇಶ ಮತ್ತು ತಮಿಳುನಾಡಿನಲ್ಲಿ ‘ರೇರ್ ಅರ್ಥ್ ಕಾರಿಡಾರ್’ ಸ್ಥಾಪನೆ ಮಾಡಲಾಗುತ್ತಿದೆ.

9. ಆರೋಗ್ಯ ಮತ್ತು ವೈದ್ಯಕೀಯ ಪ್ರವಾಸೋದ್ಯಮ

ಆರೋಗ್ಯದ ಸಮಸ್ಯೆ ಯಾವಾಗ ಬರುತ್ತೆ ಹೇಳೋಕೆ ಆಗಲ್ಲ. ಅದಕ್ಕೆ ಪರ್ಸನಲ್ ಹೆಲ್ತ್ ಇನ್ಶೂರೆನ್ಸ್ ತುಂಬಾ ಇಂಪಾರ್ಟೆಂಟ್. ಬಜೆಟ್‌ನಲ್ಲಿ ಕ್ಯಾನ್ಸರ್ ಚಿಕಿತ್ಸೆಗೆ ಒತ್ತು ನೀಡಲಾಗಿದೆ. ಬಯೋಫಾರ್ಮಾ ಶಕ್ತಿ ಯೋಜನೆಯಡಿ 10 ಸಾವಿರ ಕೋಟಿ ರೂಪಾಯಿ ಎತ್ತಿಡಲಾಗಿದೆ. ದೇಶದ ಮೆಡಿಕಲ್ ಟೂರಿಸಂ ಅನ್ನ ಬೂಮ್ ಮಾಡೋಕೆ ಐದು ಕಡೆ ಬೃಹತ್ ಮೆಡಿಕಲ್ ಹಬ್‌ಗಳನ್ನು ಸ್ಥಾಪಿಸಲಾಗುತ್ತಿದೆ.

10. ಬಜೆಟ್ ಲೆಕ್ಕಾಚಾರ: ಹಣದ ಹರಿವು ಎಲ್ಲಿಂದ ಎಲ್ಲಿಗೆ?

ಸರ್ಕಾರಕ್ಕೆ ಬರುವ ಒಂದು ರೂಪಾಯಿಯಲ್ಲಿ 24 ಪೈಸೆ ಸಾಲದಿಂದಲೇ ಬರುತ್ತದೆ. ಎರಡನೇ ದೊಡ್ಡ ಆದಾಯದ ಮೂಲವೇ ಆದಾಯ ತೆರಿಗೆ (21 ಪೈಸೆ). ಕಾರ್ಪೊರೇಟ್ ಟ್ಯಾಕ್ಸ್‌ನಿಂದ 18 ಪೈಸೆ ಬಂದರೆ, ಜಿಎಸ್‌ಟಿಯಿಂದ 15 ಪೈಸೆ ಬರುತ್ತದೆ. ಈ ಹಣವನ್ನು ರಾಜ್ಯಗಳ ಪಾಲಿಗೆ (22 ಪೈಸೆ) ಮತ್ತು ಸಾಲದ ಬಡ್ಡಿ ಕಟ್ಟಲು (20 ಪೈಸೆ) ಪ್ರಮುಖವಾಗಿ ಬಳಸಲಾಗುತ್ತದೆ. ರಕ್ಷಣಾ ಕ್ಷೇತ್ರಕ್ಕೆ 11 ಪೈಸೆ ಮೀಸಲಿಡಲಾಗಿದೆ.

11. ಶೇರ್ ಮಾರ್ಕೆಟ್ ಮತ್ತು ಹೂಡಿಕೆದಾರರ ಪ್ರತಿಕ್ರಿಯೆ

ಬಜೆಟ್ ದಿನ ಶೇರ್ ಮಾರ್ಕೆಟ್‌ನಲ್ಲಿ ದೊಡ್ಡ ಪತನ ಕಂಡುಬಂತು. ನಿಫ್ಟಿ ಮತ್ತು ಸೆನ್ಸೆಕ್ಸ್ ಕೆಳಮುಖವಾಗಿ ಸಾಗಿದವು. ಸೆಕ್ಯೂರಿಟಿಸ್ ಟ್ರಾನ್ಸಾಕ್ಷನ್ ಟ್ಯಾಕ್ಸ್ (STT) ಹೆಚ್ಚಿಸಿರುವುದು ಹೂಡಿಕೆದಾರರಲ್ಲಿ ಅಸಮಾಧಾನ ಮೂಡಿಸಿದೆ. ವಿದೇಶಿ ಹೂಡಿಕೆದಾರರು (FII) ಭಾರತದ ಮಾರುಕಟ್ಟೆಯಿಂದ ಹಣ ಹಿಂತೆಗೆದುಕೊಳ್ಳುತ್ತಿರುವುದು ಆತಂಕದ ವಿಷಯವಾಗಿದೆ. ಕಾರ್ಪೊರೇಟ್ ಟ್ಯಾಕ್ಸ್ ಕಮ್ಮಿ ಮಾಡಬಹುದಾಗಿತ್ತು ಅನ್ನೋದು ತಜ್ಞರ ಅಭಿಪ್ರಾಯ.

12. ಉಪಸಂಹಾರ: ಅಭಿವೃದ್ಧಿಯ ಹಾದಿಯಲ್ಲಿ ಭಾರತ

ಒಟ್ಟಾರೆಯಾಗಿ ಕೇಂದ್ರ ಬಜೆಟ್ 2026-27 ಒಂದು ಬ್ಯಾಲೆನ್ಸ್ಡ್ ಬಜೆಟ್ ಆಗಿದೆ. ಇದು ಕೇವಲ ಚುನಾವಣೆಗಾಗಿ ಮಾಡಿದ ಘೋಷಣೆಗಳಲ್ಲ, ಬದಲಿಗೆ ದೇಶದ ದೀರ್ಘಕಾಲದ ಅಭಿವೃದ್ಧಿಗಾಗಿ ಮಾಡಿದ ಪ್ಲಾನ್. ರೈತರಿಗೆ ತಂತ್ರಜ್ಞಾನ, ಮಹಿಳೆಯರಿಗೆ ಉದ್ಯಮಶೀಲತೆ ಮತ್ತು ಮೂಲಸೌಕರ್ಯಕ್ಕೆ ಒತ್ತು ನೀಡಿರುವುದು ಭಾರತವನ್ನು ಜಾಗತಿಕ ಶಕ್ತಿಯನ್ನಾಗಿ ಮಾಡುವುದರಲ್ಲಿ ಸಂಶಯವಿಲ್ಲ.

ಹೆಚ್ಚಿನ ಮಾಹಿತಿಗಾಗಿ ಅಫೀಷಿಯಲ್ ಪೋರ್ಟಲ್  India Budget Official Site ಅನ್ನು ವೀಕ್ಷಿಸಿ.

ಗಮನಿಸಿ: ಬಜೆಟ್‌ನ ಇಂತಹ ಮತ್ತಷ್ಟು ಆಳವಾದ ಮಾಹಿತಿಗಾಗಿ ನಮ್ಮ ವೆಬ್‌ಸೈಟ್‌ಗೆ ಚಂದಾದಾರರಾಗಿ.

read more :ಖಾಸಗಿ ಶಾಲೆಗಳ ಶುಲ್ಕ ವಸೂಲಿಗೆ ಬ್ರೇಕ್? ತಮಿಳುನಾಡು ಮಾದರಿ ಕರ್ನಾಟಕಕ್ಕೆ ಪಾಠ!